تدفئة الخيل في الشتاء

تانى حاجة ممكن نعرفها ان من اسباب اصابات البرد، هو التغير (المفاجئ) لدرجة حرارة الجسم سواء الخيل او حتى الانسان.

لذلك بالنسبة للخيل انت غير مطالب إنك تدفيه وتحطه في بوكس وتقفل عليه فوق وتحت وتخلى البوكس بتاعة فرن وسخن،
لأ، حضرتك مطلوب منك تأويه فقط من تيارات الهوا الشديدة، ولكن بنفس درجة حرارة الجو الخارجي.

بعض المشاكل في بعض المزارع سببها تدفئة الخيل ووضعها في غرف مغلقة درجة حرارة مرتفعة بعد كده الصبح يفتح عليها وتعرضها لدرجة حرارة منخفضة.

وده بيكون أحد اسباب الاصابة بالبرد وبيظهر عليه اعراض زي الكحة والرشح،

إذا يجب وضعة في بوكس درجة حرارته زي درجة حرارة الجو الخارجي او الفرق ميكونش كبير بين جوه البوكس وبره البوكس، تإوية فقط من تيارات الهواء او الامطار او الرطوبة العالية في بعض المناطق الساحلية في الشمال.