اسعار الخيل في مصر
اسعار الخيل في مصر للمبتدئين، هنتكلم عن متوسط أسعار اغلب الأنواع الموجودة في مصر.
بتبدأ أسعار الخيل في مصر من 1000 جنيه لحصان عمره شهور بلدى لون مش مميز.
لكن لو حصان عمره فوق ال 3 سنوات وجاهز للركوب هيبدأ من 3000 جنيه مواصفات ضعيفة، والمقصود بالمواصفات هي مواصفات الشكل واللون والطباع، بمعني إن الحصان ممكن يكون فيه طباع مش كويسة و ده هتلاقيه مشروح بالتفصيل في موضوع “إزاى تشترى حصان”👉🏻
– متوسط سعر الخيل البلدي متوسطة العمر وجاهزة للركوب من 3,000 جنيه الي 10,000جنيه.
– متوسط سعر الخيل العربي الأصيل (الذكور) متوسطة العمر وجاهزة للركوب من 15,000 إلى 80,000جنيه.
– متوسط سعر الخيل العربي الأصيل (الاناث) متوسطة العمر والمواصفات وجاهزة للركوب من 50,000 إلى 100,000جنيه.
– متوسط سعر الخيل الأجنبي أو الخيل المقاس العالي التي تصلح لقفز الحواجز واللي ارتفاعها لا يقل عمن 155 سم من 30,000 إلى 100,000جنيه.
– اما أسعار الخيل الأجنبي المستوردة من الخارج أو الانتاج المحلي المدربة والتي لا يقل ارتفاعها عن 160سم فهي تبدأ من 150،000جنيه.
طب انت كده عرفت الأسعار كلها؟ لا طبعا لأن ببساطة سعر الخيل بيبتدى من 700 جنيه لحد 1,100,000,000جنيه ايوة الأرقام دي صحيحة مليار و100 مليون جنيه (70مليون دولار امريكي)، سعر الحصان فوساجى بيجاسوس Fusaichi Pegasus سنة 2000م وهو من النوع ثوروبرد (Thoroughbred horses) أحد أشهر أنواع الخيول المهجنة في العالم، وهو نتاج تزاوج لثلاثة أجيال من الخيول العربية الأصيلة مع الخيول الإنجليزية.
وده بسبب ان نوع ثوربيرد واحد من الأنواع اللي بتستخدم في السباقات اللي جوايزها بتكون الاف الدولارات وبالتالي الخيل اللي بتحقق بطولات ثمنها بيبقى عالي جدا.
فى حين ان اغلى حصان عربي فى التاريخ قدر ب173,000,000جنيه (11مليون دولار امريكي), الحصان بدرون Padron سنة 1982م كان بطل عالم.
كان إيجابى و شارك برأيك فى تعليق فى الأسفل
إعلانات مميزة
إعلان
