أهم النصائح عند شراء حصان
اول حاجه لازم تعرف إن أهم عامل في شراء الحصان أو أي شيء آخر هو اختيار البائع النزيه، لأن ببساطة ممكن أي حد نيته مش كويسة إنه يخبي أي شيء من الأشياء التي سوف نقوم بذكرها في هذا الموضوع.
الاخلاق
أهم حاجه تتأكد منها وانت بتشترى الحصان أو أي حيوان آخر هي الطباع، خصوصا لو انت مبتدئ مش هتعرف تتحكم أو تعالج هذه الطباع بعد كده وهتخلي التعامل مع الحصان صعب.
الرفص
أول حاجه تتأكد منها إن الحصان يكون مش بيرفص، بمعني آخر متعود على الطبطبة في جميع أجزاء جسمه، طبعا متفاجئش الحصان من وراه بحركة أو صوت مفاجئ وتستني إنه ميرفصش لا طبعا، لأن دي بالنسبة له نقطة عمياء.
العض
ودي من الحاجات النادرة في الخيل، ممكن خيل تهوش أو تعمل نفسها هتعض وهي مش هتعض، مجرد تهويش ودي برضو حاجه مش لذيذة، هتلاقي دايما الحصان وهو بيعض بيرجع ودانه ال 2 لورا، أول ما تلاقيه بيعمل الحركة دي احذر، لأن في خيل بتعض وعضتها قوية جدا.
الركل بالأرجل الامامية
في خيل ممكن تهاجمك برجليها ال 2 اللي قدام ومع إنه نادرة شوية ولكن يجب الحذر والتأكد إن الحصان مفيهوش الخصلة دي لأنها مؤذية.
المواصفات
العظام
من أهم الحاجات وانت بتشترى الحصان إنك تبص على عظامة إنها سليمه ومتناسقة وخصوصا الارجل وخصوصا منطقة فوق الحافر، لو لقيت الحتة دي فيها ورم ولو بسيط، أعرف أنا الحصان ده في مشكلة في رجلة (وتر) هتؤثر عليه في الجري أو الحركة الكثيرة.
الجلد
مع إن الجلد من الحاجات اللي بسهولة تتعالج إلا إنك برضو لازم تبص على جلد الحصان إنه مش مليان حبوب أو جروح أو التهابات وأن شعره مش منحول أو واقع في منطقة أو إنه مش بيتساقط بسهولة.
صحة الحصان
الجري
اطلب من صاحب الحصان يجرية جري حر في المنيش باستخدام زجاجة بلاستيكية وحط فيها شوية حجارة، أي حصان مش مريض لازم يكون متفاعل مع الصوت العالي، او ممكن يكون متعود، المهم لازم تشوف الحصان بيجرى وبيتحرك قدامك مش بيعرج أو كسول أو موطى رأسه في الأرض، كل دي مؤشرات بتدل على الصحة العامة للحصان.
وأخيرا وهي النصيحة الاهم في الكلام ده كله، حاول تاخد حد معاك عنده خبرة في الخيول حتى لو هتديلة فلوس، هيبسط عليك الموضوع جدا، كإنك رايح تشترى عربيه بظبط…
كان إيجابى و شارك برأيك فى تعليق فى الأسفل
إعلانات مميزة
إعلان
